每逢商舖要裝修，自然就會減價促銷，因為去咁啲貨就唔使將啲貨存倉，你估倉租平呀！尤其係賣大件 AV 產品嘅商戶，電視機同喇叭都好佔地方，所以裝修前平啲益用家絕對明智，今個星期影音分店裝修前減價就有好多筍貨益用家。
今次介紹係 AV Life 沙田分店有好多唔同嘅貨品減價，不過巴頓會先睇薄屏電視機，事關大尺寸嘅型號減幅比較多，雖然唔係最新型號但功能都好齊，唔追款嘅絕對夠用，就好似 Samsung UA65LS03NAJXZK 65 吋 The Frame 4K TV ，外型似足一幅畫框，掛牆真係靚過晒一般嘅薄屏電視機，原價 $29,980 ，減價後 $17,988 就買到，仲送埋可更換式原裝邊框 3 個，俾你襯番牆身或家居配色。
此外， LG 75SM9000 75 吋 4K Nano Cell TV 都有筍價，原價 $50,980 ，減價後 $29,900 。至於喇叭方面都有筍貨， KEF LS50 Wireless （ NOCTURNE ）原價 $23,800 ，減價後 $16,980 再送 $2,000 超市禮券。 B&W 702 S2 座地喇叭陳列品原價 $46,500 ，減價後 $32,550 平咗成萬四蚊，記住優惠做到 2020 年 10 月 20 號咋，快啲衝落去執平貨啦！
查詢：AV Life ( 2691 3998 )