最近網民都說笑 IFC 天台出現人潮……不過香港人經歷咁多風風雨雨，有咩大場面未見過，一於放低憂慮，玩番夠本！最近 IFC 嘅另一邊，位於ICC 100 樓嘅天際100舉辦「超FUN飛越香港 ─ 天際暑期樂園」。家長可以帶同小朋友到天際100 望住維港上興趣班，渡過 45 日嘅悠長假期。
模擬維港上高飛
家長可以先下載天際 100 手機應用程式，一家人到天際 100 特設場景影全家福時，可以透過應用程式中增實境（AR:Augmented Reality）技術，同 ICC 大廈合照，或者影張模擬喺維港上飛嘅相，飽覽高樓大廈景觀。
 |  |
| 使用 App 嘅 AR 技術模擬喺維港上飛。 | 同 ICC 大廈合照亦得。 |
暑期 10 項全能興趣班
由 7 月 18 日開始，至 8 月 31 日期間，小朋友可以憑「暑期通」，上盡「天際高 Fun 玩樂坊」內不同主題工作坊，包括廚藝、魔術、小結他等等多類型興趣班。能夠一邊望到維港，一邊上興趣班，天際 100 完全可以滿足到小朋友。或者到「天際高 Fun 孩子區」，小朋友可以製作「Minions 迷你兵團」迷你紙版人偶，又可以用著名顏色筆品牌 Faber Castell 產品，發揮無限創意，齊來親子樂。
| 小朋友上不同主題興趣班。 |
讓小朋友做小小攝影師
相信各位家長平日都做慣攝影師，影相紀錄低仔女生活點滴。如果想俾小朋友接觸下攝影，就可以到「sky100 X Sony 天際攝影學堂」，會有專業導師教授小朋友各種拍攝技巧。多謝 398 港元，小朋友可以連同 1 個家長參加學堂，試用 Sony 最新型號 DSC-HX90V 或DSC-WX500 相機影相。有興趣參與嘅大人細路要留意，記住要自備一張足夠容量嘅 SD 記憶卡 1 張，帶埋啲相番屋企。
 |  |  |
| 一家人上學堂學攝影。 | DSC-WX500 相機。 | DSC-HX90V 相機。 |
喺暑假期間以正價買小童標準門票，加多20港元就可以升級做「暑期通」，而正價買成人或長者標準門票，就可以免費升級。「暑期通」持票人可以喺暑假期間無限次入場，玩足所有暑期特別活動，仲享有美食同購物優惠。
圖片來源：天際100