之前介紹去荔園前的「出發前三寶」相信大家好乖乖咁下載定先去荔園，可以邊玩邊儲分，之前講過成功登記就有 300 分， Like 荔園 Facebook 又有 300 分，邀請朋友下載荔園 App 又有 900 分，未入場消費已經有 1500 分，再入埋「魔靈小學」震懾住所有妖魔鬼怪又多 100 分，加加埋埋已經有 1,600 分，距離換到禮物只差 400 分。
 |  |
| 荔園新 App ，只要儲齊6個印花，就可以獲得 300 分。 | 就是要儲齊足球小將，小露寶等 6 款經典卡通人物閃卡。 |
宜家又有「筍野」益大家，就係下載荔園新 App 「卡通大尋寶」，在樂園內 6 個指定地方留下「腳印」，又可以輕鬆儲 300 分，距換禮物的門檻又行近一大步。留下「腳印」的意思其實係手持電話並開啓住「卡通大尋寶」，再在園區內 6 個指定地方經過（我唔會話俾大家聽 6 個經典卡通人物閃卡的位置正正就係俾大家影相果幾隻公仔度），手機就會自動收集閃卡，只要儲齊分佈園區內的六款經典卡通人物閃卡，即可獲取會員積分 300 分。
 |  |
| 收集後可以透過 Facebook 分享給朋友。 | 登~登~登~登~，6 款經典卡通人物閃卡就儲齊啦，又多300 分。 |
其實呢個 App 的原理係透過固定的發射站發射藍牙及聲頻信號，當手機應用程式接收到該信號時，就代表成功以手機掃描，呢個新技術固然係新奇，加上唔洗錢又有 300 積分，儲下儲下都有機會換到小笨象嫁。