在家百日，大家都希望可以宅在家消閒一下，以下便集合一些娛樂資料推介給大家，各位記得一定要儘可能留在家中，對抗「疫」境！
Viu追蹤日本腳步
睇足木村12經典
無得去日本，唯有追逐日劇的腳步，Viu OTT 平台為大家帶來「震撼彈」，得到富士電視台授權播放12套木村拓哉主演的電視劇，當中點可以少得《悠長假期》、《戀愛世紀》及《律政英雄》等超級經典。劇集會於 8 及 9 月陸續上架，率先於 8 月推出的分別有《悠長假期》、《沉睡的森林》、《律政英雄》、《 Engine 》、《 Change 》、《月之戀人》及《 PRICELESS -無價人生？》；9 月繼續會有《愛情白皮書》、《戀愛世紀》、《從天而降一萬億顆星星》、《律政英雄特別篇》及《律政英雄2014》。
平成《東京愛的故事》
這個 OTT 平台上季給大家帶來重新翻拍的令和版《東京愛的故事》，覺得未滿足，Viu 帶給大家平成版，由鈴木保奈美演的莉香，仲有江口洋介、織田裕二，未睇過嘅大家，一於睇晒兩套，睇下當時的愛情觀同今日有無唔同？
最新日劇一樣精彩
除了大堆經典作品，每季 Viu OTT 都會有新劇播送，這個月開始播放的，有由百變人氣女皇石原里美主演的《默默奉獻的灰姑娘∼醫院藥劑師的處方箋》，今次變成藥劑師，繼續感染人心。另外，將歌姬濱崎步自傳改編的《M 我珍愛的人》，已經接近尾聲，大家依家開始睇，時間剛剛好！
Apple TV+ 雷霆戰艦
湯漢斯再做船長
喜歡影音享受的，可以留意下這一套不少人推介的 Apple TV+ 作品，由湯漢斯主演的電影，取材自二戰時的真實事件，在音效部分特別是低頻表現相當震撼，這套電影原本要在戲院上映，但因為疫情影響，令到電影要在今個月初於 Apple TV+ 推出，家中有套好音響的話，一定要試。
Netflix 及 YouTube 卡通頻道
仙子跟精靈的日常 Pappa Pig 聲優主打
小朋友鐘意睇 Pappa Pig 大家都知，如果唔想佢哋咁單一，介紹下 Pagga Pig 以外的一套小朋友卡通俾大家，就係《 Ben & Holly’s Little Kingdom 》，一樣都係英式卡通，故事圍繞仙子跟小精靈的日常，而且採用跟 Pappa Pig 相同的聲優作班底，所以聽起來會好有親切感，影片於 Netflix 及 YouTube （不斷更新）都有得睇。
Now TV Summer 優惠
有使用 Now TV 電影組合的朋友，今個月都會有超精彩娛樂，因為「電影組合1」用戶將可以一口氣睇晒剛上架改編自英國作家 J.K. 羅琳的兒童奇幻文學系列小說《哈利波特》系列，由《哈利波特︰神秘的魔法石》到《哈利波特︰死神的聖物2》，俾大家再次進行魔法冒險。另外，「電影組合2」將於 8 月及 9 月上架《魔雪奇緣2》、《 Marvel 隊長》及《復仇者聯盟4︰終局之戰》。
而特別一提， Now TV 由即日開始至 8 月 15 日會推出特別優惠，可以從 10 個指定頻道，訂購其中一個組合（簽訂 24 個月承諾）享有每月 $44 的半價優惠（原價 $88 ）。
