雖然小記理解都市人壓力大,但每每搭車都聽到不同的訴苦聲、打機聲、大媽高談闊論同埋交通工具的廣播聲等各種煩音,又唔想次次戴住耳機去隔音,真係要講句「還我寧靜空間」,如果有 Kickstarter 現時正集資的 Muzo 哩個噪音隔絕器,就可以解決煩音了。
形成寧靜防護罩的 Muzo 聲音隔絕器由聲波研究員、數學家、工程師等組成的聲音技術團體研發,只要將 Muzo 貼在木版、牆壁或者玻璃等平面上,開啟後以抗震動的 Billion Sound Technology 形成聲波場來達到靜音效果,把場內的聲音鎖住,並造出靜音效果。身處 Muzo 製造的「 AT 力場」之內,完全唔使怕隔牆有耳,唔知特務 007 係咪都有類似裝備呢?
Muzo 隔音功能都有分靜音模式、睡眠模式及私密模式三種。靜音模式以抗震動形成一個隔絕聲音的寧靜空間;睡眠模式啟動後會產生幫助入眠的聲波;私密模式形成的聲波場能把場內聲音鎖住。整個隔音器的大小與一般手機差唔多,重 350g 比細紙包飲品重少少。另外,配合相應的手機 App 來調整聲波場的範圍大小,甚至連身處環境有幾多分貝都能顯示。
嗯,到底 Muzo 製造的聲波場可以有幾大呢?小記仍然未搵到答案,不過此 Project 已經有接近二千個網民支持,最快下年二月就出貨到全球,現時以美元 $159,約 HK$1,234 一個,可選擇黑、銀兩色,如果 Muzo 可以順利出貨的話(畢竟最近大家對哩類集資都有陰影),能為更多人造就寧靜的空間。希望我哋搭車都可以好似日本咁樣,有個寧靜空間啦。
來源: Kickstarter
© 2020 Plug Media Services Limited. All Rights Reserved. [1]