Google 的 My Mpas 推出多年，可能大家都唔太留意到佢，不過隨著 Google Drive 應用人數就不斷增加，最近 Google 就在 Drive 功能內加入 My Maps 按鈕，讓用戶創造、分享兼管理個人化地圖。
而且，大家只要喺 Google Drive 左邊列表，按「新增」，選擇「Google 我的地圖」，再輸入地點資料，儲存後就完成咗創作屬於自己嘅地圖。之後，用家都可以建立資料夾，將地圖分類，仲可以配合 Google 文件等等功能操作，方便到極。
小記就認為呢個功能唔錯，最啱喺搜集旅行資料果陣用。如果去旅行嘅時候，要喺同一地區搵唔同鋪頭，同時間滿足飲飲食食同 Shopping 嘅要求。旅行到果度仲要用 Google Map 逐間逐間鋪頭咁 Search，真係有啲麻煩。我諗用Google My Maps 呢個功能，旅行之前整理好所有資料，咁就可以快快樂樂去旅行啦！
來源：Google