Facebook 今日宣布咗兩個好消息：第一架無人機 Aquila 已經完成製造，及鐳射傳輸系統有大突破。Facebook 呢兩個計畫消息一出，好多人都諗起Google 個Project Loon，睇嚟最開心一定係全球嘅用家們！
如果你之前有留意 Mark Zuckerberg 個 Post，你會知道目前全球仲有唔少人仲住喺只有 3G 訊號覆嘅的地區，更有少數係住喺無網絡地帶，所以 Facebook 希望全世界都能夠有網絡連接到。
而家 Facebook 英國飛機團隊已經成功製造第一架完整嘅無人機 Aquila，準備好接受實境測試。呢隻無人機以碳纖維製造，可以喺高空中長時間持續飛行，機翼比波音 737 客機更闊、更輕數百倍。最重要嘅係無人機可以喺偏遠地區空中停留 90 日，並且喺 6 萬至 9 萬英尺嘅高空，向範圍內嘅用戶傳送數據。
另外，Facebook 嘅 Connectivity Lab（互聯實驗室）正實境測試緊鐳射通訊系統，系統發出嘅激光，以每秒 10Gb 速度前進（即比行內最先進嘅水平仲要快10倍），可以擊中喺 10 英里外一毫子硬幣咁大嘅目標。