一眾讀者們想喺夏天搵個地方去玩去癲又可以消暑,小記就有個私心推介。今日去咗海洋公園試玩夏水禮,就想向大家介紹一下呢個全亞洲首個 LINE 主題玩水派對「LINE 夏日狂熱」!
海洋公園夏水禮喺 7 月 1 日(星期三)至 8 月 30 日展開,今年更有 LINE 人物駐場,當中又點少得 Brown、Cony、Moon 同 James 等,一眾LINE粉絲們必定會心心眼。今日入去參觀時園內擺放咗好多 LINE 人物佈置,同時設有互動照相館同快拍專區,又有期間限定 LINE FRIENDS Pop-up Store,裡面賣嘅精品真係好打耳,好打耳。
不過講到最正都喺餐飲方面,水都餅店、海龍王餐廳同大熊貓餐廳更會推出 LINE 主題美食,包括 LINE Cupcake 同特色套餐,靚到唔捨得食落肚,以上完全足夠畀大家大影特影,分享到社交平台。
![]() | ![]() |
LINE兒童套餐 | LINE甜品:朱古力Cupcake |
而有朋友話最近幾年夏水禮唔夠剌激,但小記相信今年夏水禮可以令大家滿意。因為喺室內夏水禮場館內,高達三層樓嘅瘋狂滑水梯強勢回歸,同場仲有首度登場嘅動感水韆鞦、狂野泡泡派對、超級大水桶等等,包保玩完成身濕哂。如果小朋友身高未夠130cm,都可以到「玩水童樂區」參加水戰同迷你泡泡派對。
![]() | ![]() |
![]() | ![]() |
![]() | ![]() |
動感水韆鞦 | 未夠 130cm 嘅小朋友可以到玩水童樂區。 |
以上就喺今年夏水禮嘅亮點,本人報告完畢。今次亦有拍片畀大家睇,有興趣嘅 FD 子,就要繼續留意《PCM》啦!