家陣唔少人上網都只會用手機或平板電腦，不過對於長者來說，就算 8 吋屏幕都睇得唔多舒服，巴頓有位朋友嘅年長父親十分喜歡打麻雀遊戲，既可以鍛鍊頭腦，又可以消磨時間，不過就因為屏幕太細玩得唔過癮，呢位朋友於是乎就用一部 32 吋嘅 LCD TV 駁著部平板電腦俾老父上網打機，世伯不知用得幾開心，不過最近部 32 吋 LCD TV 壞咗，呢位朋友就問有咩好介紹，最緊要平靚正。
巴頓就喺深水埗深之都嘅 AV Outlet 搵咗款筍嘢俾佢，就係 Toshiba 嘅 L3650 系列全高清 iDTV ，基本功能齊晒，有 USB 可以駁手指睇片睇戲，最緊要係對應 MHL 可以駁手機、平板，打機自然開心啲，雖然打機畫面夾硬整大唔夠 Sharp ，但世伯話最緊要夠大，等佢叫糊叫得過癮。 L3650 系列有唔同尺寸，最抵買應該係 40 吋同 43 吋， 40 吋賣 $2,399 ； 43 吋賣 $2,699 ，真係抵買過電腦顯示屏。
售價： HK$2,399 （ 40 吋）； HK$2,699 （ 43 吋）
查詢： AV Outlet （ 2387 3301 ）
