Uber 宣布，明日（12月4日）起，將於香港推出 UberX，以比 UberBlack 更實惠的價格，提供 Toyota Prius 和 Honda Jazz 或中小型 7 人車叫車服務。
 |
 |
Uber 在香港原本已有 UberBlack、UberTaxi 及 UberVAN 三種服務，明日起再新增 UberX 服務。UberX 同 UberBlack 有咩分別呢？最主要係是前者的價格較實惠，重性價比；而後者的車種及服務則較高檔次。根據 Uber 司機網頁，一般四門房車及中小型七人車，例如 Benz S系、BMW 5 系、Tesla Model S 等等，會歸入 UberBLACK；至於 Toyota Prius 和 Honda Jazz 或中小型七人車，則會納入 UberX。
UberBLACK 主打優質服務，司機要著西裝、車內提供飲用水及充電線，至於 UberX 就冇呢啲服務啦。收費方面，UberBLACK 的起步費 $25 不變，其後每公里收費會調整至 $8 及每分鐘 $1（原本每公里 $6 + 每分鐘 $1.5），最低消費 $50；UberX 起步費 $10，每公里收費 $6 加每分鐘 $1，最低消費 $30。
另外根據網頁顯示，UberVAN 的價格亦會調整，起步費由 $15 減至 $10，再加每公里 $6 及每分鐘 $1（原本收費為每公里 $3.15 及每分鐘 $1.12），最低消費為 $30。（小記寫完啲數字都喊出嚟，媽到底係貴咗定平咗！？）
| 舊收費 | 新收費 | |
| UberBLACK | 起步費$25+每公里$6+每分鐘$1.5 | 起步費$25+每公里$8+每分鐘$1 |
| UberX | N/A | 起步費$10+每公里$6+每分鐘$1 |
| UberVAN | 起步費$15+每公里$3.15+每分鐘$1.12 | 起步費$10+每公里$6+每分鐘1 |
早前捲入白牌車風波嘅 Uber，今次仲主動提到保險問題，指平台服務有「嚴謹的安全標準及保險保障」，強調除了所有司機必須持有第三者保險，Uber 亦會額外提供人身傷害和第三方財產損失的保險，即使司機的保險基於任何原因未能生效或賠償，Uber 保險亦會提供多一重保障咁話。