手機市場好兩極化,用家一係搵最平,一係搵最貴,近年平價機功能有提升,而且多了很多選擇,最近更有新機上場,唔駛一千嘅 4G 手機,仲有埋 VoLTE 功能!
![備有雪山白及星空灰兩種顏色可選擇。](https://www.pcmarket.com.hk/wp-content/uploads/2016/10/A1s_02-710x473.jpg)
早前中移動香港發布新機 A1s,如果大家心水清,都知上年中移動早兩年開始在本地推出自家手機產品,呢部 A1s 就是最新成員。此機外形雖然唔係好突出,但功能就十分之實用。A1s 採用 Qualcomm Snapdragon 四核心處理器,配以 5 吋 720p IPS 屏幕及 8MP 75 度廣角主相機,以及 2,300mAh 電池等。
A1s 賣點在於支援 5 模 11 頻,完全適用中港 4G 網絡,而且兩個 SIM 卡插位均可支援 4 G網絡,使用起來就更方便。A1s 更支援 VoLTE 通話功能,話音會更清晰。呢部 A1s 無論是否上台,都可用優惠價 $638入手,真係平通街。想搵超平手機做 2nd phone 的朋友,唔知有冇興趣呢?