雖然家陣真無線藍牙耳機大行其道，不過對於已經擁有一對靚聲兼可換線耳機的用家來說，真無線耳機都未必啱口味，所以藍牙耳機線就成為一個不錯的選擇，巴頓早幾日行開深水埗電子特賣城，就見到有款 XPower SBM1 做緊減價。
呢款耳機雖然係 3 年前嘅產品，仍然用緊藍牙 4.1 規格，但其他技術都好足料，包括配備 Qualcomm CSR8645 晶片、 aptX 解碼技術同支援 CVC 6.0 降噪技術。不過呢款耳機最抵玩之處，就係 MMCX 可換線設計，加上耳機採用鋁合金外殼、混合雙單元設計及三套可更換濾管調音嘴，即刻令成隻耳機增值不少，原價成五舊水，家陣 $189 就買到，淨係買條線都唔止呢個價啦！
查詢：電子特賣城 （ 2387 3666 ）