較早前入手了 Galaxy S23 Ultra，搵咗好耐市面上的機殼，普遍都無乜特別，終於搵到一間專門製造木殼的公司 Toast，可以在網上訂製 S23 Ultra 的木殼，的確是與別不同。
來自美國的 Toast，有十多年製造木殼的經驗，而且其公司十分支持環保，除了各種使用環保木材製造的手機殼、筆電殼、遊戲機殼，甚至連 Apple TV、Google Home等，連 Sonos 喇叭都有出木殼，可說是市面上大部分 gadgets 都有木殼提供，鍾意木殼嘅朋友實在不能錯過。
而 Toast 所用嘅木料，係來自真正嘅木材及竹，官方稱係「responsibly grown, rainforest friendly」，除了木材及竹，又有提供來自美洲牛嘅皮革製品，而 Toast 嘅包裝亦用上FSC 認證嘅紙質，連 Toast 公司本身都係使用 100% 可再生能源，貫切支持環保嘅風格。
至於 Galaxy S23 Ultra 嘅木殼，Toast 更有多種自選製作，既有多種木紋供選擇，又可以響不同位置加上自定文字，及刻上指定圖案或提供自定圖案亦得，從而製作出個人風格的專屬木殼，當然每樣都係照計錢啦，而市面上流行嘅手機 Toast 都有提供木殼。
適逢今個禮拜 4 月 22 日係「世界地球日」，「世界地球日」起源於 1970 年代，係響美國校園發起嘅環保運動，適值今年係「世界地球日」53 周年，今年繼續使用舊年嘅主題「投資我們的星球 Invest in our planet」。Toast 為響應「世界地球日」都提供咗本周 15% off 優惠，如購物超過 US$149 更可免國際運費，有興趣可夾埋朋友一齊去 Toast 網頁 www.toastmade.com 購買，咁就更抵啦。
