Tesla 上月底剛剛公布新車 Model 3，號稱最平 Tesla，定價僅 35,000 美元。最近又有傳聞指，Tesla Model S 將會加入 Model X 已有的功能之一：「生化武器防禦模式」（Bioweapon Defense Mode），揸車都揸得安心啲咁話。
所謂「生化武器防禦模式」其實係高效微粒過濾系統，號稱比普通汽車通風過濾系統強效十倍。車主按一按掣，就可以啟動系統，令車廂內外嘅空氣質素提升到醫院級別；系統過濾細菌效能強 300 倍，致敏原方面效能強 500 倍，煙霧則效能強 700 倍，病毒方面更達 800 倍。有消息指 Tesla 計畫為 Model S 升級，加入呢項 Model X 現有嘅功能，以及將電池由 90kWh 增至 100kWh、加入 LED 車頭燈、更換座椅及車身顏色等等。Tesla 方面對傳聞未有回應。
來源：The Verge
