早前 Apple Pay 一出，唔少人都大叫方便，真係隨時連銀包都唔需要帶在身就可以消費。今日 HKT 就宣布，大家可以將 Tap & Go 放於 Apple Pay 入面用，對 iPhone 用戶來講絕對係一件方便的事。
HKT 表示現可將 Tap & Go 加入 Apple Pay 入面，成為全港唯一支援 Apple Pay 的預付卡，而且更有優惠提供。由即日起至 2016 年 8 月 31 日前，大家將 Tap & Go 加入 Apple Pay 後即時啟用消費，更可獲港幣 50 元現金回贈。此回贈適用於 Tap & Go 付款服務之客戶，須將已啟動的 Tap & Go 卡加入 Apple Pay ，及成功以於推廣期內，在接受 Apple Pay 之商戶每一次單一消費淨額滿 $50 元或以上，並使用 Apple Pay 完成付款 3 次。此回贈將於推廣期完結後 14 天内自動存入客戶的賬戶內。以往 iPhone 用戶又係 Tap & Go 用戶，想用 Tap & Go 付款要拎實體卡出來使用，如今放入 Apple Pay 內用將方便度提升，的確唔錯。
