韓國電子產品龍頭三星一向都相當懂得利用市場策略，而且劈價攻勢亦是行內數一數二嘅狠，不過以前就主要劈一啲即將退役嘅型號，剛推出嘅新型號就比較少主動調低售價，不過並唔係廠牌話定住個價就人人跟足，就以近期正式出貨嘅 Samsung KS8800 及 KS7300 系列 SUHD TV 為例，49 吋嘅 KS8800 定價差唔多成一萬五千蚊，深水埗嘅 AV Outlet 就已經劈緊價，一萬二千五百八已經買到，KS8800 系列話晒都係高階級別型號，有弧面屏幕仲有 HDR1000 嘅功能，俾著個市好景果陣點會咁快就嚟劈。
如果唔想要弧面屏幕可以揀 KS7300 系列，唔同尺寸都差唔多一減就三千，老闆話三星呢兩個系列功能同畫質都有唔錯嘅水準，始終加咗 HDR 功能改善咗光暗位嘅對比、層次嘅還原，為咗刺激銷情都要做啲野咁話。
查詢：AV Outlet（2387 3301）
