作為在職人妻，放假留在家中打理家務、一星期一次全面家居清潔是例行公事。不過每每都要先開機吸塵、後放水拖地，再加埋其他大小家務，都咪話唔攰！最近發現 Philips 新推出一款支援吸塵拖地 2 合 1 的 PowerPro Aqua，標榜可以將吸塵、拖地功能同時進行，真正「慳水慳力」，對於家事繁忙的人妻（即係我）來說簡直天大喜訊，即時心心眼想試一試！
如果你以為呢個吸塵機只係加塊濕布就話自己可以拖埋地咁兒戲，咁你就錯鳥！其實 PowerPro Aqua 吸頭位置配備一個「瞬間裝卸外置水箱」連可水洗微纖維清潔墊，你只要為水箱注水一次便可連續清潔 50 平方米空間，確保能一直以乾淨水源徹底清潔整個家居。
除使用自來水外，亦可添加無泡殺菌地板清潔劑，拖地同時殺菌。另備專利停機自動防漏設計，待機時水箱自動停止輸出水，使用倍加安心。吸塵同時拖地殺菌，超方便！
至於吸塵機本身的硬體規格亦不弱，如備有高效能 180 度靈活旋動的 TriActive Turbo 三重極速旋風吸扒、內置 PowerCyclone 颶風離塵技術，能迅速將吸入的灰塵及毛髮從氣流中分離進集塵筒，以維持強勁吸力。其集塵筒亦可讓你單手清空，更配備可水洗乳膠隔濾網，而曾接觸過塵埃的部件及濾網均可徹底水洗洗淨，令機件性能更長效耐用。
跟機附有兩塊可水洗微纖維清潔墊供交替使用。
成個集塵筒及乳膠隔濾網均可拆出，曾接觸過塵埃的部件及濾網均可徹底水洗洗淨，保持整潔衛生。
續航力方面亦比市面上一些貴價無線吸塵機更持久，每次充電 5.5 小時即可連續操作 40 分鐘。老老實實，佢個外形雖然無某熱門網購吸塵機品牌咁靚仔型格，不過勝在功能夠實用，可以考慮入手架！
spec
水箱容量：200毫升
集塵箱容量：0.6公升
充電時間：5.5小時
使用時間：40分鐘
售價：HK$2,998
查詢：Philips（2619 9663）