上星期五（18日），Ricoh Pentax忽然推出咗一個網站專頁，黑蚊蚊的背景，若隱若現的機身正面，有個好Old School的尖尖軍艦頂，而今日上去睇，就係Show機身右邊手柄位，都有啲似K-3 II，不過感覺機身會再大少少厚實少少。其他資訊就冇提供，只係得行字「2016 Spring Debut」（2016年春天登場）。
其實Pentax出FF大大話話都吹咗10年啦，途中出現幾次Mold Up機展示，然後忽然走咗去出中片幅645，其實都係殺出一條血路。直到今年年初的CP+展覽會，先至話有部參考展出的機睇吓，雖然話希望今年年內推出，不過今次只係推遲到16年春季，都算唔係大跳票啦（當然真係出到的話）。
今次個專頁乜都冇講，但一般坊間傳聞大約都係3,600萬FF CMOS（冇Low Pass Filter），3.2吋芒，雙SDXC插槽等等，事實會係點？等多半年就開估。
Ricoh Pentax FF網頁：http://www.pentax.com/en/pentaxff/