RTX 3080 在初推出時因為效能非常突出，加上官方定價約 HK$6,000 有找，使得不少玩家都對這張當時的高階卡非常期待。不過，相信大家都早已經歷及知道，這只是「不現實的美麗童話」，NVIDIA 的新卡從來都是供貨稀少，加上當時適逢加密貨幣價格高企，挖礦潮熾熱，礦工搶完 3060 Ti 再搶 3080，使得當時一張 RTX 3080 炒價可以高至過萬，高峰期更高至 HK$12,000-13,000。近期「幣市好弊」，大家都應該知道，希望玩 Coin 嘅朋友唔會損失得太多，當然有人快樂有人愁，顯示卡價格也應聲下滑，究竟電競玩家可否一嘗以官方建議零售價買到 RTX 3080？今個星期就同大家睇睇高階卡市況。
講到劈價，多數都係 NVIDIA 「親生仔」顯示卡廠做先，不過近日 MSI 看似擺脫這個定律限制，最誇張就係將 RTX 3080 12GB Ventus 3X 售價降至 $6,999，在一般 RTX 3080 12GB 最低售價約為 $7,500 嘅情況下，MSI 這次一減就直接與 10GB 版 RTX 3080 睇齊，使得其他 12GB 版有壓力之餘，在核心時脈及記憶體都優於 10GB 版下，也直接使舊版卡吸引力歸零。在規格上，呢張 Ventus 3X 係用上三風扇設計，卡身也接近 3 槽厚度，因此在散熱效果上就沒有「偷雞」成份，唯一就係無 RGB 燈效，但如果玩家本身討厭 RGB 燈效，這更加是一種優點。
MSI RTX 3080 12GB Ventus 3X
$6,999
