自 AM5 推出之後，一直被用家「睇低一線」，直到 X3D 系列出現後令遊戲玩家將目光轉投至此晶片之上。在今年 Intel 一直疊「debuff」下，玩家更為期待 9000 系的 X3D 型號。而最新型號 9800X3D 亦在昨日正式到場，香港行貨建議售價為 $4,599，由於官方美元定價為 $479 而言直迫十算，令不少玩家「睇定啲先」。不過根據上次 7800X3D 經驗，目前 9800X3D 在海外大受歡迎，有部份地方出現排隊人龍又或限砌機。可見 CPU 有一定需求，而筆者亦向行家查詢，對方表示行貨量目前返貨量不多，因此相信短期內未會降價，至於會否像國外出現炒風，亦相信不會，畢竟需求有限小升亦不意外，而且目前來貨價都未做到「原價」，若想低於 9算 的「正常價格」入手，相信要等 AMD「生性」夠貨才有可能，不過估計也最多是 $100~200 的幅度。因此如果 Intel 繼續拖累可令 9800X3D 價錢一去不復返，還是趁現在有貨就考慮下吧。
AMD Ryzen 7 9800X3D：$4,599