正所謂百貨應百客，好多人揀電視機都仲係覺得日本廠牌最好，其實呢種觀念真係已經過時，尤其係韓國以及國產的電視機廠牌質素愈趨穩定，加上超強的性價比令到不少用家更易接受，想用最少的價錢買到五十多吋的 4K 電視機，國產廠牌是個不錯的選擇。
老老實實，要搵部 55 吋的 4K 電視機不難，但要四千零蚊買到的 55 吋 4KTV 就唔係咁易，偏偏有位親戚就俾咗巴頓呢個艱難任務，佢開出嘅條件貌似簡單，就係最好五千蚊唔使搵到部見得吓人嘅 4K 電視機，講真呢個條件真係只有國產廠牌先可以做到，好在去到深水埗深之都 AV Outlet ，店長就推介咗 Konka 有款 LED55R1 ，呢款 4K Android TV 的外型其實做得幾靚，用上幼邊框設計，而且廠方指屏幕採用新的色彩提升技術及色彩調節技術，並透過加入納米材料吸收背光源的雜光，從而提升 RGB 三原色純度。
另外，電視機採用 Harman Kardon 打造喇叭，所以音質表現更突出，但講到尾最重要都係價錢，原價 $5,980 ， AV Outlet 減價 $4,580 就買到，仲平過好多網購店。
售價： HK$4,580
查詢： AV Outlet ( 2387 3301 )