新一代細路嘅玩具愈來愈高科技，就算係經典嘅七巧板、扭計骰同擊鼓遊戲，都可以融入科技，帶來新玩法。由上海葡萄科技開發嘅葡萄探索號，就將人工智能融入兒童遊戲，細路都要邁向高智能呀！
 |  |
呢款葡萄探索號係由美國矽谷遊戲設計師、兒童產品開發專家、兒童心理學家等共同研發。睇外型成隻蛋咁，打開就會「孵化」出一個感應器、一套七巧板、一個扭計骰同一對矽膠鼓。用家只要從 App Store 下載遊戲 App，並把感應器置於 iPad 前鏡頭，就可以利用視覺辨識技術，進行互動遊戲。盒內亦有一張墊子，官方指將實體玩具放於墊子上配合iPad玩，就可以確保眼睛同屏幕保持 50cm 距離，保護雙眼健康同時又可以接觸電子產品。裝置支援 iPad 2 及 iPad mini 以上型號，但就未支援 iPad Pro。
葡萄探索號目前設有三款遊戲，適合 3 至 12 歲的兒童。《淘淘向右走-活的七巧板》同傳統七巧板遊戲相似，iPad 屏幕上會出現不同的七巧板圖案，只要利用現實中的七巧板玩具，在指定範圍內按圖成功拼砌出正確圖案，鏡頭就會自動感應到並自動過關。《班得瑞的奇幻花園》玩法同太鼓大同小異，把附送的矽膠鼓置於鏡頭範圍內，隨著音樂敲打即可得分。《旋轉吧！魔方》則是難度最高的遊戲，將扭計骰扭亂之後，放落鏡頭下掃描，App 就會實時生成還原步驟，教小朋友逐步還原。
 |  |
| 部分遊戲設不同難度等級。 | 按屏幕所示砌出七巧板圖案即可過關。 |
 |  |
| 類似太鼓遊戲的《班得瑞的奇幻花園》考音樂感。 | 裝置會透過鏡頭識辨扭計骰形態，並實時運算還原步驟。 |
遊戲摻入互動元素及動畫，增加趣味性。但最大問題係：所有遊戲 App 只設簡體字介面及普通話旁白，香港小朋友可能會不習慣。公司又指，未來會繼續每季推出數款遊戲，用戶可自行額外購買，增值再增值。此玩具將於3月起在香港玩具反斗城有需，定價 499 人民幣。