話說月初 Google 發表了最新的「親生仔」手機 Pixel,規格勁之餘仲有好多人話係有史以來最靚仔的 Google 手機。正當大家諗香港幾時會賣,原來水貨已悄悄殺到。
![金屬機身加上斜面切割機邊,拿上手都幾「平易近人」,沒有鋒利感同埋唔算重。](https://www.pcmarket.com.hk/wp-content/uploads/2016/10/pixel-xl-04-710x533.jpg)
小記一向都有留意 Google 自家推出的手機,今次見到 Pixel 真身後,都同好多人一樣,覺得呢部係咁耐以來最靚同造功最好的「親生仔」。今次試用到的款式係「 Very sliver 」,而且更係 5.5 吋的 Pixel XL。部機金屬機身加上斜面切割機邊,拿上手都幾「平易近人」,沒有鋒利感同埋唔算重。機背上方的白色玻璃位置襯起銀色機身又幾型,不過要留意就係塊玻璃其實有少少突起,小心有機會刮花。至於機面就冇特別,甚至驟眼睇有一兩分似 iPhone 7。
[row][double_paragraph]
![開箱後可見到只有充電器及 USB-C 線,一貫簡單。](https://www.pcmarket.com.hk/wp-content/uploads/2016/10/pixel-xl-03-320x240.jpg)
[/double_paragraph][double_paragraph]
![機背備有指紋感應器。](https://www.pcmarket.com.hk/wp-content/uploads/2016/10/pixel-xl-07-320x240.jpg)
[/double_paragraph] [/row]
[row][double_paragraph]
![機背上方的白色玻璃位置襯起銀色機身又幾型,不過要留意就係塊玻璃其實有少少突起,小心有機會刮花。](https://www.pcmarket.com.hk/wp-content/uploads/2016/10/pixel-xl-06-320x240.jpg)
[/double_paragraph][double_paragraph]
![使用 USB-C 介面。](https://www.pcmarket.com.hk/wp-content/uploads/2016/10/pixel-xl-05-320x240.jpg)
[/double_paragraph] [/row]
規格方面,Pixel XL 使用現時最頂級的 Snapdragon 821 處理器,內置 4GB RAM(手上的為 32GB ROM ),配備 5.5 吋 2K AMOLED 屏幕同 12.3MP 主相機,絕對落足料。由於試玩時間好短,只用 AnTuTu 測試效能,得分 13 萬幾,比現時 Snapdragon 820 得分高少少,不過功耗方面 821 應比 820 好。
[row][third_paragraph]
![主頁左上角則有 Google 捷徑,可以直接用到各樣功能,當然包括 Google Assistant。](https://www.pcmarket.com.hk/wp-content/uploads/2016/10/pixel-xl-02-320x427.jpg)
[/third_paragraph][third_paragraph]
![畫面下方向上掃就可以拉出 Apps Menu。](https://www.pcmarket.com.hk/wp-content/uploads/2016/10/pixel-xl-08-320x427.jpg)
[/third_paragraph][third_paragraph]
![開機後可見可用記憶體剩餘 2.4GB 可用。](https://www.pcmarket.com.hk/wp-content/uploads/2016/10/pixel-xl-10-320x427.jpg)
[/third_paragraph][/row]
作為親生仔,Pixel XL 當然用上最新的 Android 7 系統,更係 7.1 版本,操作體驗會有少少唔同。首先係畫面下方向上掃就可以拉出 Apps Menu,主頁左上角則有 Google 捷徑,可以直接用到各樣功能,當然包括 Google Assistant。至於其他功能方面就唔多,始終係親生仔手機,承繼了原生系統沒有第三方 Apps 的精簡路線。
[row][third_paragraph]
![運行 Android 7.1 系統。](https://www.pcmarket.com.hk/wp-content/uploads/2016/10/pixel-xl-09-320x427.jpg)
[/third_paragraph][third_paragraph]
![由於 Pixel 支援Daydream VR 規格,所以設定內有相關選項。](https://www.pcmarket.com.hk/wp-content/uploads/2016/10/pixel-xl-12-320x427.jpg)
[/third_paragraph][third_paragraph]
![用 AnTuTu 測試效能,得分 13 萬幾,只係比現時Snapdragon 820 得分高少少。](https://www.pcmarket.com.hk/wp-content/uploads/2016/10/pixel-xl-11-320x427.jpg)
[/third_paragraph][/row]
咁依家 Pixel XL 香港未正式賣,當然係水貨姿態出現啦,據店主話佢都係幫熟客訂機返來,價錢仲唔便宜,32GB 版已經要七千幾,的確幾貴下。不過小記認為依家都唔係有好多地方有得賣,貴少少都叫值,真係想入手又唔急既,可以等等。
![使用 Pixel 於黃昏時試影,由於光線不太充夠,令畫面的雜訊比較多,但顏色表現同線條銳利度就十分不錯。](https://www.pcmarket.com.hk/wp-content/uploads/2016/10/pixel-xl-13-710x533.jpg)
查詢:三禾電氣(2374 0618)
售價:$7,880