Kong 金剛係巴頓心目中一直係強力男性的代表，力大無窮又毫無畏懼，而且第一集更為女主角犧牲自己，名符其實「為女死為女亡」，好在《金剛骷髏島》重啟之後就一直大發神威，來到《哥斯拉大戰金剛》終於遇上強敵，巴頓早前有入戲院睇，當然順理成章成為今個月必買嘅 4K 碟。
其實，導演都好清楚知道觀眾要啲咩野， 4K UHD 亦有齊 Dolby Vision 同埋 Dolby ATMOS ，開場無耐哥斯拉就嚟搞破壞，之後人類帶走金剛喺海上遇上哥斯拉即時開拖，呢場係試低頻音效的重點之一，因為兩大巨獸由船艦打到落海，兩種音場的瞬變考驗了家庭影院器材的處理能力，至於尾場三獸大戰更是全片焦點所在，每隻巨獸的咆哮聲連同破壞香港建築物的音效充滿包圍感，哥斯拉口部噴出的核能炮將低頻的能量感飽滿地還原。畫質表現方面由於有 Dolby Vision 加持，對比度及立體感相當突出，尤其係金剛返回地底的發源地，顏色及光源的變化豐富而充滿細節，再返回香港戰場時那種冷色調形成了更大的反差，絕對稱得上係畫面的盛宴！
