製作教材、Powerpoint 、短片、影片等，往往要加入對白解說，但單靠人手錄音倒是很花時間及成本，利用生成式 AI 自動將文字轉為語音（Text to Speech，TTS）可以大省功夫，有助加快短片製作時間。網上有不少服務免費供用戶試用，而對於有很多同字異音，又或者同一個字因語氣不同而變調的廣東話，AI 又能否準確讀出對白呢？哪個 TTS 最能掌握廣東話呢？小編今次以周星馳電影《國產凌凌漆》內的經典對白，測試一下哪個平台最準確、最好用。
為免結果差異太大，小編收聽網站提供的示範後，選了較為順暢的一把男聲（ WanLung）來測試。原文來自周星馳電影《國產凌凌漆》內的經典對白：
今次我接受國家嘅任務
亦都係有備而黎
好似呢個 Model F40 咁樣
表面上係個大哥大電話
實際上佢係一個鬚刨嚟
呢個係方便我哋出席一啲宴會場合
能夠神不知鬼不覺咁剃鬚
結果：Micmonster、Narakeet、Speechactors 及 TTSFree （Server 2）的對白變成：
今次我接受國家嘅任務
亦都係有備而黎
好似呢個 Model F40 噤（gam3）讓（ joeng6）
表面上係個大哥大電話
實際上佢係一個鬚咆 （paau4）
呢個係方便我哋出席一啲宴會場合
能夠神不知鬼不教（gaau3）噤（gam3）剃鬚
Micmonster 、 Speechactors 及 TTSFree （Server 2）所提供的聲音選擇均一模一樣，明顯是採用同 AI 引擎，而 Narakeet 雖然有較多聲音選擇，不過對白結果也跟前三個平台一樣，沒有換調或讀出正確讀音，相信也是建基在同一 AI 引擎。而 Narakeet 最好的地方是用文字作為語音檔案名稱，方便用戶快速得知檔案內容。
按上述對白，只有 TTSFree （Server 1）及 Fineshare 可以完全正確地讀出對白，兩個平台採用另一個 AI 引擎。就這兩個平台，小編再找另一段電影《食神》的對白來測試：
魚蛋亦都冇魚味，但係你為咗掩飾，專登加啲咖喱汁將佢做成咖喱魚蛋。
但係咁做太天真喇！因為你煮嘅時間唔夠，咖喱味根本只係喺表面，
而冇入到裡面，掂到湯之後重要沖走埋，好好地一粒咖喱魚蛋，
俾你整到冇魚味亦都冇咖喱味，失敗！
蘿蔔冇揀過啦，太多渣，失敗！
啲豬紅鬆泡泡，一夾就散，失敗中嘅失敗！
這段對白整體有帶語氣，算是高水準，只是最後一段的鬆泡泡（paau1 paau1，音咆）讀成鬆抱抱（pou5 pou5）；一夾就散（saan2，音粣）讀成一夾就傘（saan3）。
就 TTSFree （Server 1）及 Fineshare 作比較，論使用介面後者來得比較簡潔，免費版試過超出 500 字亦能轉換；反之 TTSFree （Server 1）有大量廣告，介面較為騷擾，字數亦強制在 500 字之內，檔案轉換後必須觀看廣告才能下載，但轉換前提供音階及說話速度調校。
用戶若使用免費版本將文字轉換成廣東話語音，推薦選用 TTSFree （Server 1），字數太多惟有分幾次轉換。當然，各大平台均設有收費版本，大部分支援上載文件直接轉換及音校調校功能，需要進階應用的用戶建議選擇收費版本。以 TTSFree 為例，年費 50 美元的服務，功能包括：每次轉換最多 10,000 個字、無限轉換、超過 200 個聲音及 50 種語言選擇，支援語音合成標記語言（SSML），以及加入音樂背景等。
免費 TTS 平台簡介
另外，在使用 TTS 時的處理文字有些建議，能讓大家用起來更就手：
- 為對白加標點符號，有助 AI 辨別語氣，生成更貼近真人說話。
- 句與句或行與行之間加一行留白，以便後期編輯刪剪。
- 在第一次轉換後仔細收聽，遇上同字異音字換上正確讀音字，不要介意是否屬正字，有助減少因讀字不正確而多次轉換的麻煩。