Apple Music 推出至今已經 4 個幾月，可能部分用戶已經過咗免費試用期選擇「咳單」。Tim Cook 早前就大派定心丸，話付款用戶有 650 萬人，連同免費試用嘅用戶總人數多達1,500 萬人。Facebook 就仍然睇好 Apple Music 潛力，喺最新版本嘅 Facebook iPhone App 內，加入全新「Music Stories」功能，畀大家分享 Apple Music 或 Spotify 上聽到嘅好歌。
We’re introducing “Music Stories” today to enable better music discovery and sharing on Facebook. The new post format allows people to listen to previews on Facebook from Apple Music and Spotify. You can read more about it on Facebook for Media: http://media.fb.com/blog
Posted by Music on Facebook on Thursday, November 5, 2015
App Store 上最新上架嘅 Facebook App 43.0 版本，新增了 Music Stories 功能。用戶可以把一段 30 秒的歌曲試聽，由 Apple Music 或 Spotify 串流分享到 Facebook，加兩句文青心情感想，氣質滿瀉。
除咗 30 秒試聽，Facebook 亦支援跳轉到相關音樂串流服務平台，播放整首歌曲。試聽完覺得啱心水，用戶也可以經 iTunes 或 Apple Music 選擇歌曲，或者直接將首歌加入 Spotify 戶口；成個過程無需離開 Facebook，Click 一 Click，就係咁簡單。Facebook 表示將會繼續擴展 Music Stories，支援更多音樂串流服務。