自從 iPhone 7 取消 3.5mm 耳機輸入插座，好多廠商都有樣學樣，焗住要你用無線耳機。巴頓並不抗拒用藍牙耳機，不過講真好聲嘅藍牙耳機真係唔多，就算家陣流行嘅「真．無線耳機」，都存在電量太低以及左右斷線嘅問題。
巴頓早輪就試過 EOPS 新推出嘅 Noisezero WX+ 藍牙耳機線，不論續航力或音質都相當出色，呢條線最大嘅特色係用上 MMCX 插座，可以接上任何用 MMCX 插座嘅耳機，意即閣下家中所有用呢款可拆除接線插座嘅貴價耳機一概通用，最重要係線材本身設有 DAC 解碼及擴音功能，加上其電池最長可供 14 小時播放，藍牙功能方面用上 aptX 配合 CSR8645 晶片，音質表現更有保證，連同線控兼容 iPhone 及 Android 手機，證明咗無線耳機一樣可以有靚聲。
售價：HK$599
查詢：Winner Concept（2407 1118）