相信不少影迷已經很久沒有看超級英雄片的衝動,不如嘆慢板等串流。死侍是難得會有期待的(反)超級英雄。來到第三集,還加上公認最佳銀幕狼人曉治積曼回歸。有睇預告都知死侍去到盡,自封「Marvel 耶穌」打救就快玩完的電影宇宙,至少在地球 1218 係成功咗丁丁咁多。
Marvel 電影宇宙面臨危機已經唔係新聞,第五階段已過一半,筆者比較好評僅《銀河守護隊 3》,之後就係《死侍與狼人》。眾多周知賴恩雷諾士本人熱愛玩「膠」,早期參影超級英雄片成為個人黑歷史(同浪漫史),去到狼人外傳首演死侍,Fans 鬧爆片商魔改角色。但成就咗今日最口賤無違和嘅死侍。
想唔劇透去評《死侍與狼人》其實唔難,因為它是「HEHE+愛情動作片」,預告所有劇情簡介其實都唔重要,亦唔好用 MCU 腦袋去分析佢點救成個電影宇宙同埋時間線,絕.對係無用兼唔需要,因為成套片 3 分之 1 時間係睇兩件 HEHE 互相肉搏,7 成時間聽佢地打情罵俏「互咀」對方痛處,你以為死侍夠賤夠 MEAN 狼人只係耳仔「受」?咁就要入場睇下狼人點表演車震。另外有 3 成時間,真係會被各種抽水.玩爛 GAG 同扭橋致敬攪到又嘩又哈。
狼人.死侍 GAG 用到盡
賴恩雷諾士說服老友曉治積曼出山,用咗好多心機加入大量漫畫同舊電影系列梗去包裝一個全新狼人角色,有「啲啲」《盧根》味又「有血有淚」,睇過最終預告片就知點解,死侍相關的梗亦用到盡,睇返前兩集又會搵到彩蛋。所以成套片頭半場都「HIGH 爆」,去到最後高潮位其實大家已經少少感官麻痺去咗「聖人」狀態,即係一般人講「虎頭蛇尾」,純係交代番大家知道,兩件 HEHE 已經插旗 MCU。正如關係專家建議,事後要關心對方做啲溫馨小舉動再完場食嘢。
《死侍 2》打破第 4 幢牆同大家講係家庭片,其實今次《死侍與狼人》都係「18 禁愛情動作片」,只不過愛情同 18 禁係有好多種啫,又有種大台天台燒烤味喺度,嗰種感覺好似食薯片,食嘅過程同味道好正,食完有冇營養並唔重要,總之我要再食多包(拍下集)。最後留意一點:要揀音響好的戲院入場,因為有太多好正的歌同埋打鬥低頻,無謂令耳仔受罪。至於 IMAX 倒也未必,揀一般大院也可,除非閣下是一眾「股」民。
故事簡介
主角之一死侍(賴恩雷諾士 飾)本來已決心金盤洗手不再打打殺殺拋開江湖恩怨,埋街食井水在一家二手車行過埋下半世,但當世界將面臨滅世危機,死侍焗住再次穿上緊身戰衣,出盡奶力說服狼人(曉治積曼 飾)一齊落閘放狗拯救⋯⋯(下删五百字)都係嗰句,為愛與友情而戰,再污糟邋遢都在所難免!
導演:桑里維
演員:賴恩雷諾士、曉治積曼
片長:128 分鐘
分級:III
語言:英語(中文字幕)
【延伸閱讀】
- 動漫節 2024 一文睇盡 PlayStation.Xbox 會場焦點與購物優惠
- 動漫節 2024 Hot Toys 會場死侍與狼人大支嘢現身
- 動漫節 2024 Medialink 羚邦 8 大動漫福袋必搶
- 動漫節 2024 會場電競裝備‧繪圖板優惠一覽
- 動漫節 2024 Neofilms 新映影片 蠟筆小新恐龍日記.Look Back 驀然回首精品首發
- 動漫節 2024 BANDAI NAMCO 展區 高達創壞者 4.龍珠打卡區注目
- 動漫節 2024 STRICT-G 高達潮服 香港限定無限正義高達二型魔蟹袋
- 動漫節 2024 會場電競裝備.繪圖板優惠一覽
KFC 聯乘周邊、主題食物大派兌換券
Deadpool & Wolverine 宣傳車將於今個周末(7 月 27 及 28 日)走訪全港四區(尖沙咀、旺角、灣仔、銅鑼灣)與大家玩遊戲,免費派發 KFC「家鄉雞腿包」兌換券,憑券即可於香港任何一間 KFC 門店免費換領一個「家鄉雞腿包」,兌換券數量有限,送完即止。KFC 並推出五款「唔搶就笨 KFC 限定潮物」並將「死侍」與「狼人」注入食品包裝,而銅鑼灣 KFC 旗艦店亦會變身《死侍與狼人》主題店。
![啖啖都係...Deadpool 味?](https://www.pcmarket.com.hk/wp-content/uploads/2024/07/deadpool-kfc2-768x1024.jpg)
![實物不錯](https://www.pcmarket.com.hk/wp-content/uploads/2024/07/deadpool-kfc1-768x1024.jpg)