《Pokémon GO》嘅 fans，呢個星期六、日就係「Pokémon GO City Safari：香港」舉行嘅大日子，你哋準備好晒未先？身為活動指定嘅 5G 流動網絡供應商，CSL Mobile 會有唔同嘅禮遇同埋遊戲攻略，就算你唔係 1O1O 或 csl 嘅用戶，甚至係嚟自唔同國家、地區嘅《Pokémon GO》粉絲，都一樣可以享受到㗎！出發前記得睇清楚先呀！
《AR Lens》、csl FB 發放寶可夢情報及捕捉攻略
首次登陸香港嘅「Pokémon GO City Safari」活動，亦係 2024 年亞洲區最後一站，今次嘅活動遍佈港九新界，想今次嘅旅程玩得輕鬆，就記得裝定《AR Lens》app，同埋留意 csl Facebook，因為活動期間，《AR Lens》會特設捕捉攻略，實時向用戶推送通知，提供身處地點附近寶可夢發現位置嘅情報；另亦會於 csl Facebook 專頁發佈寶可夢情報帖文，訓練家可以響帖文內分享寶可夢位置資訊，同埋交流遊戲心得。
免費派活動限定 5G 數據包
如果你有朋友特登嚟香港玩「Pokémon GO City Safari」嘅話，記得叫佢哋早啲去尖沙咀文化中心露天廣場嘅主題區，因為 csl 響嗰度有個攤位，會即場派發 2,000 份 Pokémon 訓練家嘅限定「csl 5G 香港任縱橫儲值卡」，內有 7 日 12GB 5G 本地流動數據，等嚟自世界各地嘅訓練家可以輕鬆遊走各處捕捉獨特嘅寶可夢，先到先得，派完就無㗎喇！
期間限定能量補充站派發補給包
「Pokémon GO City Safari」玩足兩日，地點又遍佈各處，不時都要補給，所以活動期間會有 10 間 1O1O 及 csl AI Store，化身為期間限定嘅訓練家能量補充站，訓練家只要開啟《AR Lens》app，響活動期間於補充站附近成功捕捉「Pokémon GO City Safari : 香港」嘅懸浮圖案，即可獲得寶可夢訓練家補給包電子換領券，然後去補充站換領就得，補給包都係數量有限，先到先得，送 / 換完即止。
寶可夢訓練家補給包內容：
・CHARGESPOT 免費充電器租借服務（首兩小時免費）；
・「Pokémon GO City Safari：香港」活動限定明信片（限量 5,000 份）；
・1O1O 及 csl 價值 HK$150 購物優惠券；
・精美禮品（限量 1,100 份）
Club 積分換入場券捉專屬寶可夢
另外，活動期間訓練家可於全線 1O1O 及 csl AI Store，以 400 Club 積分換購指定日期嘅遊戲入場券，然後響《Pokémon GO》遊戲兌換電子入場券後，即可於指定活動日期及時間登入遊戲參與活動，捕捉今次活動嘅專屬寶可夢。
1O1O 或 csl 用戶豁免《Pokémon GO》數據用量
以上所講嘅只要你係《Pokémon GO》嘅訓練家就可享用到，不過如果你係 1O1O 或 csl 月費用戶嘅話，仲有樣著數，就係呢兩日玩《Pokémon GO》嘅數據用量，係會完全豁免，幫你慳返唔少數據㗎！
好！咁就準備就緒喇，各位訓練家一齊出發完成今次嘅旅程，成為更強大嘅訓練家啦！
（部份圖片來自 Pokémon GO TW Facebook 專頁）