屋企空間唔夠有時真係玩家庭影院的一大障礙,就算想選擇一些質素稍好的器材都有不少限制,當然如果可以用金錢換來慳位又好聲的套裝,相信都會有不少朋友樂意選購,所以今個禮拜就朝呢個方向推介產品俾大家。
當今市場有唔少廠牌都有推出迷你喇叭的家庭影院,不過要數聲學技術及效果突出的廠牌,巴頓就會諗起 Bose 的 OmniJewel 衛星喇叭,其質素及外型設計多年以來都是站在業界的領導地位。 LIFESTYLE 650 系列的 OmniJewel 衛星喇叭,採用精製的鋁質機身,內置兩個用於雙對向的單元,實現 360 度聲效和更加寬廣的家庭影院體驗。此外,中置聲道與薄屏電視機更配合,內置五個精密的單元,外殼並有陽極氧化鋁處理,無論觀感或音質表現都是實至名歸。
與此同時,無線 Acoustimass 低音箱結合強大的單元和 QuietPort 技術,低頻的能量感及質感還原度相當出眾。至於主控台兼容 4K 影片並設有 6 個 HDMI 輸入插座,無線功能方面兼容藍牙、 Wi-Fi 和 Apple AirPlay 2 等方便無線串流音樂。
![Bose 700無線消噪耳機減價後,$2,498就買到。](https://www.pcmarket.com.hk/wp-content/uploads/2021/05/1446PAS01P03-1024x732.jpg)
LIFESTYLE 系列過往都比較少會減價,不過由即日起至 2021 年 5 月 15 日 Bose 就有優惠價, LIFESTYLE 650 原價 $40,800 ,減價後 $36,998 就買到,平咗差唔多三千八百蚊。同場仲有 Bose 700 無線消噪耳機一樣有靚價,原價 $2,799 ,減價後 $2,498 就買到,各位有買趁手。
查詢:Bose