早前同大家報導過自由鳥 Birdie 的首月免費快閃優惠後，這個相當「貼地」的電訊商品牌繼續發功，最新是推出全新企劃「夠 FREE 先至盡興」，提供一系列主題生活體驗與優惠，非常有玩味。
Birdie 近年塑造出貼近年輕人生活潮流的形象，尤其是無合約月費計劃以及「互射」數據功能，年輕用戶頗為受落。最近他們的全新企劃「夠 FREE 先至盡興」就相當貼地，先是與麥子啤酒旗下的「橫龍 128」搞以「夏日出 Pool 派對」為題的期間限定 Café，由即日起至 10 月 2 日去「橫龍 128」，就可以見到由本地插畫家溫偉勞令自由鳥變身成健壯「出 Pool 救生員」畫像，仲有幾個有趣打卡位，Café 入面仲可以食埋期間限定的「無雞不成宴」二人套餐，加埋自由鳥與麥子合作推出的手工啤「麻甩啤」，有得睇有得飲有得食。
另外，即日起至月底，自由鳥用戶可以優惠價 $188 入手「麻甩啤」套裝，入面有「麻甩啤」兩支、印度鬼椒辣椒粉 2g 及極具玩味的「娛樂至死一雞幾味遊戲牌」一副，邊飲邊玩十分過癮。
「夠 FREE 先至盡興」企劃更延伸至 Staycation，由 9 月 20 日至 11 月 20 日，自由鳥就與香港維港凱悅尚萃酒店合作推出「Chill with Birdie」 自由鳥主題房間，入住即獲贈自由鳥限定禮品包，並可享用主題甜點套餐及參與手機遊戲體驗贏獎品。不過講到最有意思的聯乘一定是自由鳥同 Kotex 推出「大流量急救企劃」限量套裝，裡面包含 Kotex 草本抑菌安心熟睡褲及自由鳥一個月無限數據計劃，目標是照顧女士們「日夜」都有「大流量」的需要。
今次進行企劃的同時，自由鳥亦推出限時首月免費快閃優惠，由即日起至 2022 年 9 月 30 日，新客戶登記指定月費計劃，除咗首月免費外，第二個月起嘅月費亦可享高達 6 折優惠，不設優惠期限。此優惠適用於攜號轉台或以新號碼上台嘅客戶，相當吸引。
