更多

    2023 亞洲盃開波!邊睇波支持港隊邊玩 Game 考眼光

    Martin M
    Martin M
    認為流動影響生活,生活也因為流動因而豐富。

    香港時間周六(1 月 13 日)凌晨,於卡塔爾舉行的 2023 亞洲盃正式開波,今年港隊相隔多年後再進入決賽周,身為香港人更是球迷的話,絕對要捧場。在電視機面前睇足所有港隊直播之外,更可以同朋友一齊玩 Game,想認真玩又得、輕鬆玩又得,等大家睇波時可以再多點樂趣。

    《AFC Asian Cup Qatar 2023 Fantasy Football》遊戲網頁版:按此
    《AFC Live》手機應用:Android | iOS

    如果對英超經理人有一定認識的朋友,一定了解今次《AFC Asian Cup Qatar 2023 Fantasy Football》game 的玩法。不認識的話就要繼續睇筆者的介紹啦。在《AFC Asian Cup Qatar 2023 Fantasy Football》這個遊戲中,每名玩家擁有 100M 資金,從而建立一支由 15 個球員組成的球隊。球隊包括 2 名守門員、5 名後衛、5 個中場及 3 名前鋒,要留意隊中不可擁有超過 3 名同一國家的球員。

    由於手中只有 100M 資金,不同球員的「身價」不盡相同,例如韓國國腳孫興慜就要價 12M,香港前鋒安永佳就價值 7.5M,因此要在 100M 內砌夠十五名前中後球員,的確要花些少腦筋。值得一提,由於所有名稱都是英文顯示,想知道「邊個打邊個」,可以參考維基百科的亞洲杯參賽名單。另外,玩家可選擇「Triple Captain」或「Bench Boost」,顧名思義前者揀選成隊長可獲三倍分數,而後者就則為係揀選的後備上場時會有加乘得分。至於球員如何得分可參考《AFC Asian Cup Qatar 2023 Fantasy Football》的 Rules 頁面。

    覺得玩 Fantasy Football game 都是傷腦筋的話,則可考慮玩另一個遊戲:估輸贏。Match Predictor 會列出每個比賽日的賽事,讓用戶去估不同場次的球隊是贏是輸還是和氣收場,估中可得 10 分。如果有心水場次的話,更可用「2X Booster」賺雙倍分數。進入淘汰賽階段更會新增估先入球球隊,估中可獲 5 分,當然淘汰賽階段也可以用 2X Booster 賺雙倍分。

    小結

    由於《AFC Asian Cup Qatar 2023 Fantasy Football》 game 可以自行「開 League」,不妨叫齊身邊波友一齊玩,令整個賽事期間加添樂趣。拎高分的朋友更有機會贏得官方獎品,自問好眼光的波友,一定要登記玩玩了。

    最新影片

    您會感興趣的內容

    相關文章