【動漫節 2024】會場電競裝備．繪圖板優惠一覽

動漫電玩節 2024 開幕，除了動漫玩具之外，也有電競裝備參展，會場購買都有優惠，比如ASUS ROG、Logitech 遊戲鍵盤滑鼠等，即刻睇下有邊啲合心水裝備。

ASUS ROG x MYA!

ASUS ROG 展位在 F28，今次更是 ROG 同米亞 Mya 聯名推出一系列豐富禮品，於動漫節會場購買指定產品，即送 ROG X 米亞聯名禮品，襟章係盲盒方式贈送，有機會抽中特別版，數量有限，換完即止。

買滿 $300-$1,499：應援扇+盲盒襟章
買滿 $1,500-$2,499：應援扇+盲盒襟章+飯友粒粒+熊貓形態拍拍燈
買滿 $2,500-$3,999：應援扇+盲盒襟章+飯友粒粒+米亞布公仔
買滿 $4,000 或以上：應援扇+盲盒襟章+飯友粒粒+米亞布公仔+熊貓形態拍拍燈

至於同廠的 ROG Phone 在旁邊 F27，完成試玩任務可以立即扭蛋，有大量配件同 ROG 信仰禮品可以入手。另有《全明星街球派對》合作舉辦擂台賽及手遊挑戰，可以拎到信仰禮品及遊戲禮品，仲有機會拎走埋 ROG Phone 8 Series。而青春活潑嘅香港金牛籃球隊啦啦隊——金牛女孩都會到場同大家互動同表演。

【注目展區快速連結】
動漫節 2024 一文睇盡 PlayStation．Xbox 會場焦點與購物優惠
 動漫節 2024 Hot Toys 會場死侍與狼人大支嘢現身
 動漫節 2024 Medialink 羚邦 8 大動漫福袋必搶
 動漫節 2024 會場電競裝備‧繪圖板優惠一覽
 動漫節 2024 Neofilms 新映影片　蠟筆小新恐龍日記．Look Back 驀然回首精品首發
 動漫節 2024 BANDAI NAMCO 展區　高達創壞者 4．龍珠打卡區注目
 動漫節 2024 STRICT-G 高達潮服　香港限定無限正義高達二型魔蟹袋
 動漫節 2024 提早用 App 買飛入場免麻煩
 動漫節 2024 各大展區機甲迷注目玩具

Logitech x 鬼滅之刃

Logitech G 攤位設於 F26，Logitech G 為玩家帶來全新電競產品、鬼滅之刃特別版禮品、遊戲賽車軚盤、雲端遊戲掌機體驗區及會場限定優惠。最注目一定是近日開賣的全新 G515 LIGHTSPEED 輕薄無線機械式 TKL 電競鍵盤及 G309 LIGHTSPEED 無線遊戲滑鼠，試玩區亦有 Logitech G923 TRUEFORCE 賽車方向盤及 Logitech G Cloud 雲端遊戲掌機。

至於《香港動漫節》限定優惠，凡購買滿 $600 的鍵盤或滑鼠，即可獲贈鬼滅之刃滑鼠墊（價值 $199）；購買任何電競耳機，即可獲贈鬼滅之刃耳機架（價值 $199）；單一收據買兩件滿 $1,000，即可獲贈鬼滅之刃冰霸杯（價值 $399）；單一收據買兩件滿 $1,500，即可獲贈 Logitech G 大毛巾（價值 $259），並可贏取限量《跑 Online》金屬襟章；買指定產品，即送 GP Ultra+ 超特強 AA 鹼性電池。（買兩件滿額禮遇不能同時使用，禮品款式隨機，數量有限，先到先得，送完即止）