巴頓有個朋友一路都用開手機聽歌，雖然佢見到市場上愈來愈多 DAP 又好聲又靚仔，不過動輒都四、五千蚊甚至接近成皮嘢，嚇怕咗佢！巴頓見佢心癢癢就幫佢諗咗個 Plan B ，用手提耳擴幫部手機聽歌效果好啲，等佢花費唔使太多又可以提升音質。
正所謂人人毒我、我毒人人，巴頓呢位朋友多年來都用 iPhone 聽歌，眾所周知 iPhone 嘅外接優化音質產品選擇其實好有限，而早幾日上去旺角友誠商業大廈 8 樓英京影音，見到有款 Fiio Q5 手提耳擴功能都幾齊，內建雙 DAC 晶片，支援原生 DSD 格式輸出，內部包含 7 種電路個別獨立供電，減少互相干擾且確保音質純淨，最大用途當然係將各位手上不同種類的音源器材升級至專業級數，為 iPhone 、 Android 手機、電腦及其他播放器材帶來靚聲。不過，代價當然就係要帶多部機出街，但要將靚聲耳機的表現發揮到極致，其實都無咩所謂啦！
Q5 另一大亮點就係可使用藍牙連接，並具備 aptX 藍牙編碼技術，透過藍牙傳輸將音樂更精準的傳遞。此外， FiiO Q5 有齊 2.5mm 、 3.5mm Line out 、 USB 、同軸、光纖、 4.2/4.4mm 等連接插座，連接性更多元化。 FiiO Q5 原價 $2,880 ，早排落咗價，街賣都要接近兩千頭，旺角友誠商業大廈 8 樓英京影音做緊減價， $1,300 就買到，呢個價真係玩得過。
同場仲有款 Fender Zero 4 耳機一樣有靚價， Zero 4 是 Fender 專為香港市場設計的限定耳機，只於香港發售，外殼設計沿用 Nine 系列比較細小的機身，適合細耳廓及女性使用，原價 $3,480 ，減價後 $2,280 就買到，都平咗千二蚊，手快有手慢無呀！
查詢：英京影音 ( 2391 5331 )