踏入 2021 年，大家都希望新一年勝舊年，唔少人都會趁住年初執一執間屋，又或者添置一啲新電器，今期巴頓就搵咗一啲外型上較獨特同靚嘅影音產品俾大家，等各位新一年點綴吓屋企。
巴頓聽唔少朋友講，想買音響果陣屋企老細就會話啲喇叭四四方方又顏色深沉，一啲都唔襯屋企，所以巴頓見到有款美國品牌 LANCHIYA MK40 混合真空管藍牙喇叭呢排有筍價，就即刻介紹俾大家。
LANCHIYA MK40 採用復古風格的老式真空管及格柵設計，白色外殼既保留了復古的味道亦與現代的家居融合。 LANCHIYA MK40 混合真空管結合專利 iEAI 高級 DSP 聲音技術增強其低音，並採用號角喇叭設計 0.8 吋的 28kHz 球頂絲膜高音單元，以及兩組 2.25 吋中高音紙盤喇叭，頻率響應達 75-28kHz ，輸出功率達 40W 。此外， LANCHIYA MK40 支援藍牙、 NFC 、 AUX 及 RIAA MM 唱頭放大等，仲有重低音輸出插座可以駁 Subwoofer ，可以話係完全照顧不同器材用家的需要。 LANCHIYA MK40 原價 $998 ，Club Shopping 做緊優惠 $719 就買到，仲送電子商品意外保障計劃， 12 個月內獲得意外損毀賠償，比原廠保養再多一重保障。
同場仲有款 InfoThink 反斗奇兵 4 系列絨毛藍牙喇叭一樣有優惠，呢款藍牙喇叭用咗反斗奇兵系列內大家熟悉嘅角色設計，採用藍牙 5.0 技術，傳輸距離達 10 米，原價 $338 ，減價後 $198 ，最啱買來送比小朋友播歌。
