近月疫情反彈冇得出街，戲院又唔開，好多人又開始注重家庭娛樂的產品，而家庭影院自然又多咗人玩；其實，不同廠商都有唔同級別嘅產品線，正所謂豐儉由人，不過如果撞啱代理做套餐優惠就真係比平時抵玩，今個星期巴頓就搵到有英國喇叭廠牌代理做優惠，減幅最多達五折。
英國 Mission 喇叭好多用家都識，廠方近年都迎合唔同家居環境的用家推出大大小小嘅喇叭同組合，今個月代理更推出 Mission Month 冬日三重賞，特別設計咗好多優惠套餐俾用家，由家庭影院到聽歌用嘅網絡擴音機套裝都有，巴頓覺得有幾款套裝特別抵玩，包括 Mission M-CUBE + SE 5.1 迷你喇叭組合，呢套適合唔想用書架喇叭嘅玩家，原價 $7,980 ，優惠價 $3,990 再送價值 $340 嘅原裝掛牆架一對。
另一款 Mission ZX-12SUB 時尚鋼琴白 12 吋超低音喇叭都筍，原價 $10,980 ，優惠價 $5,490 。如果想玩 ATMOS ，可以選擇入門 3.1.2 聲道書架喇叭組合，包括 Mission LX-2 MKII 書架喇叭 + Mission LX-C1 MKII 中置喇叭 + Mission LX-3D MKII 3D 反射／環繞聲喇叭 + Mission MS-150 超低音喇叭，原價 $11,020 ，優惠價 $8,288 ，仲可以用 $490 加配原價 $980 的 Mission M-CUBE Satellite 衞星喇叭一隻連掛架。
至於以聽歌為主嘅用家，可以揀型格銀魂版音響組合，包括 Mission ZX-1 書架喇叭 + LEAK STEREO 130 合併式擴音機 + USB-DAC （經典銀色） + LEAK CDT CD 轉盤（經典銀色），原價 $18,940 ，優惠價 $15,288 ，仲有好多其他套裝，優惠由即日起至 2021 年 1 月 10 日 ，咪執輸呀！
查詢：POMA ( 2429 8148 )