呢個禮拜疫情稍為回落，限聚令亦稍為放寬，大家都可以出吓街散吓心，巴頓亦都特登出去旺角走番轉，見到唔少店舖都稍為多番啲人，不過大家都請記得消費，因為零售業呢一次真係捱得好辛苦，如果大家仲有工開都真係幫襯吓！
好耐冇上旺角友誠商業大廈，早幾日特登上去 10 樓華仁影音打個轉，見到對心儀咗好耐嘅書架喇叭 PMC Twenty5 21 有靚價，即刻有點心動，呢款喇叭最大賣點係體積小巧，但低頻延伸可達到 45Hz 的優異水準，全靠 ATL 傳輸線設計的優勢。 此外， Twenty5 21 採用了源自 F1 空氣動力學而研發出的 Laminair 技術，以弧形的垂直葉片裝在傳輸線開口，加快空氣的流速，並減少空氣進出擾流造成的損失，增加 ATL 的效率，因此低頻變得更快速、乾淨，分析力更好，並可減少空氣流動產生的噪音。
除咗低音勁， Twenty5 21 高音採用 PMC 與 SEAS 合作設計的 SONOLEX 絲質軟半球高音，配合新的拋光金屬網罩，大幅提升擴散效果，發揮監聽喇叭王者本色。 PMC twenty5 21 原價賣緊接近兩萬蚊，家陣華仁俾個靚價大家，慳番五張金牛，自己計吓數嘞！同場仲有 STE 耳機升級缐都有折扣，款式有銅、銀、銅銀混合、 4 蕊、 8 蕊，配合 2.5 mm、 3.5 mm、 4.4 mm、 MMCX 、 CM 、 A2DC 接頭，適合唔同耳機，買一條就八折，買夠兩條就有七折，數量有限大家要快手啦！
查詢：華仁影音 ( 2787 7992 )