呢個世界好有趣，有人買嘢一定要揀新貨，開過盒都唔能夠接受。但有人就專揀陳列品，貪佢有大幅的折扣。好似近排 ECT 就嚟個陳列品減價優惠，好多 Astell&Kern 陳列產品都有靚價，飛雲，機會嚟啦！
今次 ECT 呢個陳列品清貨囊括咗兩類產品，大部分都係 Hi-End 級的 DAP 同耳機，有玩開 DAP 的朋友都知道， Astell&Kern 一向走高階貴價路線，好多旗下產品都郁下都過萬先有交易，所以巴頓入去今次網店，都即刻對準 A&ultima SP1000M 。
SP1000M 機身體積比起 SP1000 縮小達 18% ，而重量則由 387g 下降至 203g ，令全新機體更易放入衫袋。不過機身雖然「縮水」，但輸出威力卻見上升，在標準增益，無負載的情況下， SP1000M 平衡插頭輸出功率達 4.2Vrms （ SP1000 為 3.9Vrms ），絕對可以對應大部分的耳機及使用場景。不過，最吸引肯定就係價錢，全新定價 $19,580 ，陳列品價 $7,980 就買到。
另一款 A&futura SE100 係屬於 Astell&Kern 的進階產品線，其中 SE100 就是 A&futura 的首款產品，用料、規格及音質表現都更上一層樓，全新定價 $14,580 ，陳列品價 $4,980 就買到。至於耳機方面， Astell&Kern × Beyerdynamic T5P 第二代密閉式頭戴式耳機極受發燒友鍾愛，他們望穿秋水，廠方不單加入可換線設計，新單元亦經特別調音，與各款 A&K 播放器更匹配，音色更突出，全新定價 $9,480 ，陳列品價 $4,980 就買到。不過大家要留意，陳列產品曾作展示，有機會有老化、少許破損，或配件不齊全，而廠方因應不同的陳列品會給予不同的保養期，買之前記得睇清楚。