巴頓認識一位老友係 CD 的「死硬派」,無論你同佢講依家啲 Hi-Res 檔有幾好聲幾方便,佢都係鍾意返屋企駁著 Hi-Fi 聽 CD ,佢話攞住隻 CD 碟嘅感覺先至有實在感。早前佢用開果部陳年 CD 機終於打柴,想搵部純淨 CD 機真係難過登天,好在巴頓行開通利琴行仲有款靚價兼唔錯嘅 Y 仔 CD 機,即刻 Call 佢落嚟俾錢。
老實講,家陣呢個時代唔係有幾多間廠肯出純 CD 機,試諗吓當宇宙盤都愈出愈少嘅時候, CD 機的價值亦愈見渺小。好在仍然有少數日本音響廠牌堅持, Y 仔 Yamaha 就是值得敬佩的廠商,巴頓上星期去開尖沙咀金馬倫里通利琴行,順便去家庭音響部尋下寶,果然又搵到好嘢,見到 Y 仔有部 CD-N301 做緊減價,呢部機雖然都出咗成五年幾,但可以播 CD 及包含網路音響功能,支援 AirPlay 及 Spotify 、 Pandora 等串流服務,所以功能其實好齊,就算今時今日都好夠用。
![YAMAHA CD-N301 做緊減價,呢部機雖然都出咗成五年幾,但可以播 CD 及包含網路音響功能。](https://www.pcmarket.com.hk/wp-content/uploads/2020/08/1410PAS05P02-1024x246.jpg)
不過,最緊要個價夠靚, CD-N301 原價 $3,680 ,減價後 $1,999 就買到,平咗成千六蚊。同場仲有款 Y 仔 EPH-200 有線耳機一樣有筍價,呢款被譽為微動圈之王嘅耳機低頻相當紥實有力,分析力出眾,音場優秀,原價 $1,999 ,減價後 $1,099 就買到,平咗九舊水,各位有買趁手啦!
![微動圈之王 Y 仔 EPH-200 , 減價後 $1,099 就買到。](https://www.pcmarket.com.hk/wp-content/uploads/2020/08/1410PAS05P03-1024x768.jpeg)
查詢:通利琴行 ( 2762 6900 )