一個人兩部手機一部平板司空見慣，副機同平板要上網而數據用量又不高的話，好多人都會選用年卡，上網成本低又唔駛上台簽約咁麻煩。市面上已有不少年卡可以選擇，近日儲值卡牌子「鴨聊佳」亦加入戰團出年卡，抵玩程度不俗，想平用數據的朋友，記得睇內文！
玩食字的品牌「Mobile Duck 鴨聊佳」，可謂專出數據儲值卡，而名字由來當然是關於香港地最多儲值卡出售的地方深水埗鴨寮街啦！其實「鴨聊佳」之前已推出過 1 日同 3 日的 4G 中國內地數據卡，適合一至三日內往返內地工作或遊玩的朋友，毋須登記即買即用夠哂方便。順帶一提，1 日及 3 日卡分別升級，1 日卡由原先 1GB 用完就會自動終止無得用及3日卡由原先 1GB 後限速至最高 128Kbps，分別升級至1GB 及 2GB 後繼續以最高 128kbps 限速上網；數據用量多咗，使用彈性更大。
$130 本地年卡即享 30GB 本地數據用量及 2,000 分鐘本地通話分鐘
今次「鴨聊佳」仲打入本地年卡市場，新推出本地 365 日數據卡。「年卡」的好處是用便宜成本就可一年內用到高量數據，又唔駛上台簽約限制多多，正如前面所講大家有第二部手機或平板進行其他工作的話，年卡是最佳選擇。這張「鴨聊佳」本地 365 日數據卡面值 $238，市面售價大概 $130，此卡有 30GB 本地數據及 2,000 本地通話分鐘，基本上已夠用。
於內地選用中國移動網絡有質素保証
若大家有機會頻繁往返大灣區的話，就可以選擇新推出的中國內地 15 日及 365 日數據卡，這兩張卡分別面值 $108 及 $208，鴨記售價約 $60 及 $140。中國內地 365 日數據卡有 20GB 本地數據用量及 3GB 內地數據用量，仲有 2,000本地通話分鐘。至於面值 $108 的中國內地15日數據卡就有 3GB 數據，當用量累計達 3GB 後速度將調至不高於 128kbps。「鴨聊佳」數據卡於內地均使用中國移動網絡，網絡夠快又穩定，絕對是往返內地工幹旅遊人士首選，而且數據卡亦支援數據共享。再溫馨提示大家，「鴨聊佳」數據卡由啟用翌日開始生效，即係可以用多一日，夠哂方便抵用！
性價比高值得入手
「鴨聊佳」內地數據卡日數選擇多，夠哂方便有彈性，需要到地內地探親定公幹，經常中港兩邊走的用戶最合用。而家仲打入埋本地年卡市場，為用戶提供多一個高性價比的選擇。