LG 打算於 2 月尾的 MWC 2017 上發表新旗艦機 G6 大家都知，早前更有實物圖漏出畀大家先睇睇 G6 係點樣，已知部機會有極高屏佔比的特點。近日更有超清外形相片流出，基本上可以睇清楚部機「全相」。
外國網站 Droidlife 早兩日就發表了幾張相片，相入面部機雖然連住電線，但睇外形設計布局，大概都估到係快將在 MWC 2017 上公布的新旗艦 G6。就正面去睇部機同之前流出的相片十分相似，機頂聽筒的位置十分之窄，而底部帶有 LG Logo 的部份也不見得很闊，再加上兩邊超窄邊框設計，令此機大有可能擁有達 90% 的屏佔比。從相片中可見此機用上金屬機框，也是現時主流手機用的鑽石切割斜邊設計，亦帶有天線的位置（G5 因使用不同的機身物料已設計成隱藏式天線）。另外，只要再留意一下，就可見到機背是一整塊過的設計，意味 G6 不會有可換電池的功能，鍾情 LG 手機可以換電的朋友或許要失望了（但可能會帶來防水防塵機能的呀）。還有就是 G6 仍然有雙相機設計，但看來兩組相機的模組似乎是一樣，未知是否放棄了廣角功能，轉為支持黑白感光元件，抑或像 iPhone 7 Plus 般支援 2 倍光學變焦呢？這些機能謎團要到 2 月 26 才會有正式答案。
圖片來源：Droidlife