依家無論你係新上台同轉台，第一時間就會睇睇個 Plan 有幾多數據用量，冇計啦，呢個世代數據仲緊要過通話分鐘，一旦唔夠用的話又要買或者直頭冇得用，都幾煩。如果有得比你揀過，係咪覺得方便咗？
近期 SmarTone 就推出一個名為「數據靈活選」服務，旨在針對用戶在新上台時，未必一時三刻清楚自己所需的實際數據用量，可因應需要去更改數據計畫，令用戶上台/轉台時可有一定的彈性。「數據靈活選」是 SmarTone「TrueCare」服務系列中最新的服務。賣點是當客戶新上台時，可於服務啟用後三個月內，在實際使用手機時體驗日常數據用量後，可決定更改月費計畫一次，並可選擇轉用更高或更低的數據用量計畫，以符合用戶自己所需。當然，用戶於三個月內更改的話，簽署合約的指定服務、回贈、額外數據用量及額外通話分鐘優惠及特別優惠，會被已轉換合約取代。睇落呢個「數據靈活選」服務有「先試後買」的意味，當然啦，轉就只可以得一次，咁喎，如果可以在 Top-up 數據方面更多選擇可揀，我諗用戶更開心！
