星戰 8 《最後的絕地武士》 4K UHD 無中文字幕？！

呢期好多美版或歐版 4K UHD 影碟一出已經內置中文字幕，令各位用家選擇更多，唔一定要買港版。當然港版的優勢就係 4K+Blu-ray 均設中文字幕，事關好多特別收錄如製作特輯等都只放在 Blu-ray 中，並不放在 4K UHD 碟內。不過，本星期推出的星戰第 8 集《最後的絕地武士》就打破慣例，不論美版、歐版或港版都不設中文字幕，只有 2D 或 3D Blu-ray 先有中文字幕。這個消息實在令巴頓大失所望，因為今次星戰第 8 集的 4K UHD 規格相當出眾，有齊 Dolby Vision 同 Dolby ATMOS ，絕對係試機天碟，偏偏就唔俾中文字幕，真係唔知發行商想點！