早前幪面超人上到嚟《PCM》，從嘰嘰手上勇救女版主；原來拉打嘅任務唔止英雄救美，仲要成為香港拉麵店一風堂嘅特別嘉賓喎！適逢香港一風堂四周年誌慶，由即日起至 9 月 30 日，店方將會聯乘幪面超人推出特別限定企畫，包括全新龍蝦豚骨拉麵及十款小食，店面亦換上幪面超人主題，仲有筷子套紀念品。
今次一風堂聯乘幪面超人企畫，點解推出龍蝦拉麵？故事係咁嘅：「2015，夏。龍蝦怪於香港肆虐、四處破壞。此時，一風堂營運顧問宮木崇茂先生挺身而出，為了保護一風堂的粉絲，帶頭與龍蝦怪戰鬥。然而，龍蝦怪太強悍了，並不是他能獨自應付的對手！危急關頭迎來了轉機 —幪面超人一號。他們共同聯手，擊退龍蝦怪，更將它變成美味的龍蝦拉麵！」所以，閣下食緊嘅唔係普通嘅龍蝦拉麵，本來係一隻龍蝦怪！（蝦，蝦，蝦。）
 |
| 筷子套可以摺成「龍蝦」鉗，當紀念品都唔錯喎。 |