去到工地做嘢，咖啡癮發作點算好？呢部CoffeeBoxx就係專為Tough到爆炸、仲要係污糟到爆炸嘅地盤大佬們而設計，佢防水防撞防塵（影片入面仲防爆），一插電，自動煲水，內置可換式水箱容量有成2.5L，仲要有埋濾水器，真係跟足咖啡迷要求。
咖啡粉使用標準的K-Cup膠囊，人人都可以自選口味，按一下掣只需要大約90秒就有得飲。而且仲有獨立熱水出口，隔鄰條友想沖杯板藍根都仲得。
一部CoffeeBoxx只係12磅淨重，同個中型冰箱差唔多大，有大大個手挽同埋六個扣位，放響重型車輛或機械入面都可以綁到實。用唯一麻煩就係電，美國嘢行120V，響香港用就要搵隻大火牛至掂。
呢部CoffeeBoxx其實都係來自Kickstarter的成功項目，家陣售價係USD249.99（大約係HKD1,950），唔計運費及火牛的話，其實唔算貴。希望佢地會拓展吓外國市場啦。
