為了進行推廣，不少大型商場都會在歐國盃舉行期間大搞睇波活動，更會和商場內的食肆合作大搞優惠，藉此刺激消費。近日屯門市廣場就推出類似的活動，讓附近的居民可以在商場裡面一齊睇波，一同感受現場氣氛。
有得免費睇波當然最好不過，不過就有人擔心活動的安排，所以紛紛在《屯門市廣場》的 Facebook 專頁上留言。所謂「識睇一定睇留言」，有人問到會不會是用「樂視」來直播，官方立即 9 秒 9 回應是跟 nowTV 合作，看來大家對早兩天樂視直播甩轆猶有餘悸。
今次唔駛多謝「高登先」而係要多謝「樂視」，歐國盃正式揭幕，因為樂視的「技術問題」已經令不少球迷失去信心，令近日查詢 nowTV 申請的人數明顯增加。看來樂視真的要好好處理有關的「技術問題」，否則「關公」難救。
資料來源 : 《屯門市廣場》Facebook
