正當大家的焦點都係 Pokemon ApplePay 嘅時候，八達通終於都推出傳聞已久的 iPhone 專用讀卡器，今日開始會在港鐵沿線車站的 7-11 便利店發售。
有 NFC 裝置的 Android 手機早就可以用八達通 App 查詢結餘，又或者直接利用內置 八達通功能的 NFC SIM 卡付款，iPhone 6 開始雖然都有內建 NFC ，但卻被鎖定為 ApplePay 專用，八達通雖有 iPhone App ，但功能卻少得可憐。要係 iPhone 上面用到八達通，八達通公司卻沒有像 Tap&Go 般決定加入 ApplePay 陣營（除了商業競爭外，ApplePay 暫時只與 VISA、Master 和 AE 等信用卡合作也有關係），方法就係自行配搭一個外置 NFC 讀卡機使用。這個來自 Sony 的 NFC 讀卡器也夠高級，每個索價 $228。
除左查數外，用戶申請了O! ePay的話，就可以為八達通卡增值，最啱沒有自動增值功能的八達通卡，例如兒童八達通，又或者家傭的八達通增值。不過都係一句，屋企要搵到一部 Android 手機應該唔難吧⋯⋯
