今日大連百貨正式營業，iPhone 6s回收市場海鮮價反覆不定，唔少先達鋪只收粉色Rose Gold，其他色就算收都被網民形容為「西價」，分分鐘連 COT 都冇得你賺。唔少新手炒家心驚驚，紛紛問點算好，唔使驚，睇睇呢個急救包幫唔幫到你。
1. iR 14日內退貨保證
作為可靠嘅美國科技巨頭公司，當然有完善嘅購物保證政策（當然身為負責任嘅消費者，都唔鼓勵大家胡亂濫用咁好嘅政策喔）。根據 Apple 退貨條款，只需在要在收到產品後的 14 日內，連埋發票及包裝退貨，就可以獲得退款。不過留意返，如果係經 AOS（Apple Online Store）訂貨，即使未拆封，Apple 都會收取每件產品 15% 的重新包裝費用；而已拆封的話就會收取每件 25% 的包裝費。換句話如果閣下係經 iReserve 訂貨，就可以獲全額退款，冇得輸。
2. 各大 Forum 隨時有驚喜
除咗親身去先達場內格價，家陣唔少收機戶都會善用網絡，到各大 Forum 開價收機，當中以 uwants.com 為主。當然上面除咗炒家收機，都會有個別用戶收機自用，間中價格仲會比場內更高，而且地點時間再彈性啲，緊貼住 Forum 消息分分鐘有 So，不過都提醒大家騙徒手法層出不窮，要小心提防呀。
3. 散戶收機價好過大鋪
先達有成三層咁多，一到 iPhone 出機時就人山人海，而且往往收機價格海鮮價，分分鐘都唔同價格。要係呢個市場中突圍而出險中取勝，就要唔怕辛苦，問多幾間鋪，有時位置較偏遠嘅細鋪，甚至鋪都冇得塊價錢牌嘅企位散戶，開價靚過大鋪去搶貨也不足為奇。
係度都奉勸大家一句，炒賣投機行為涉及風險，參與前要做足評估呀！