打風落雨人人趕住返屋企，最怕周圍塞車（或者塞人）。要實時掌握路面交通情況，計畫最快返到屋企嘅路線，其實有唔少 Apps 都可以幫到大家手，等大家可以用最快速度返屋企，留喺安全嘅地方暫避！
 |  |
Google Maps
問揸開車的人用開邊個 Apps 得知路面消息，都會不約而同推介 Google Maps。Google 大神勝在數據收集出色，數據量多自然準確度更高。在 Google 地圖中可以點選「交通資訊」，以顏色顯示即時路況，綠色代表暢通，愈紅就愈擠塞。輸入路線，亦會有埋預算的到達時間，揀埋暢通的路行，就唔怕遲大到啦。
 |  |
九巴龍運
自己冇揸車要迫巴士都唔使驚。九巴 App 最近推出 V2.8 更新，涵蓋 269 條路線；此 App 最實用嘅要數到站時間預報，新版本將功能擴展，加入「鄰近巴士站到站時間預報」功能，每次打開 App，在首頁就可以睇到鄰近巴士線的到站時間，當然前提是巴士線配備到站時間預報功能；一打開個 App，就可以見到公司樓下嘅巴士幾時有車到，都幾方便。此外，新版本首頁亦會加入交通路況緊急資訊，了解緊急事故或交通意外導致改道或塞車等狀況，幫助用戶決定搭邊條線最快。