江湖上一直都有傳 Apple 會推出智能戒指「iRing」，最近 Apple 又申請新專利，今次竟然真係向魔戒致敬，玩智能戒指，睇落仲有幾分似 Apple Watch 縮細版，仲有晒 Touch Screen 同咪高峰咁話！？
Apple 時不時都會提交一啲新專利，至於專利會唔會落實成為新產品就係後話，不過創意總係令人驚喜嘅，加埋 Apple 個名就更加令人趨之若鶩啦。根據美國專利局上發表的新專利內容，Apple 正在研發一款戒指型的穿戴式裝置，上面設有觸控屏幕，內置處理器、無線接收器及充電裝置。智能戒指可透過各種無線方式，包括 Wi-Fi、數據網絡、藍牙、NFC 等等，連接手機等外置電子裝置，用家將戒指戴在手指上，然後利用觸控或聲控即可遙距操作，甚至乎透過感應器可以感測到用家正在寫字。
專利提到「在某些社交場合，觸控屏幕發出的光芒可能會對人造成不便甚至構成危險。」因此就衍生出智能戒指啦，亦可以代替「智能手表」咁話。咩場合之下開著個芒光燦燦咁好影響人？除咗戲院，可能仲可以喺賭場戴住魔戒扮下賭神咁囉。
來源: uspto.gov, Apple Insider